«Төле би – даланың данасы»
Төле би – даланың данасы
Еңбек ауылындағы №22 орта мектебінде «Сөз сыры» қазақ тілі пән бірлестігі апталығы аясында қазақ тілі мен әдебиеті пәнінің мұғалімі Талғат Сейсембайдың ұйымдастыруымен ірі қоғам қайраткері, бүкіл қазақ халқының беделді «Орда биі», қазақтың әдет-ғұрып заңдарының тәртібі мен ережелерінің далалық кодексі – «Жеті Жарғы» заңдар жинағы авторларының бірі Төле би Әлібекұлының - 360 жылдығына арналған «Төле би – даланың данасы» атты әдеби кеш өтті. Әдеби кештің мақсаты: Төле бидің туғанына 360 жыл толуына орай ұлы тұлғаның даналығын, шешендік өнерін насихаттау.
Кеш қонақтары Төле бидің өмірі мен шығармашылық қызметі туралы Нұрланқызы Айзаданың баяндамасын, Төленің даналығын бейнелейтін халық аңыздарын тыңдап, 6 сынып оқушыларының Төле бидің даналығы туралы қойылымдарын тамашалады.
